Кўп квартирали уйларга оид янги қоидалар: нима ўзгаради ва мулкдорлар учун қандай қулайликлар яратилади?

Ўзбекистонда кўп квартирали уйларни бошқариш тизимида муҳим янгиликлар жорий этилмоқда. Вазирлар Маҳкамасининг қарорига мувофиқ, энди ҳар бир кўп қаватли уйда молиявий шаффофлик, аҳолига хизмат кўрсатиш сифати ва бошқарув ташкилотлари фаолияти устидан назорат янги босқичга олиб чиқилади.

Уй-жой коммунал хизмат кўрсатиш вазирлиги маълум қилишича, янги қоидалар мулкдорлар манфаатини ҳимоя қилиш, тўловларнинг мақсадли сарфланишини назорат қилиш ва авария ҳолатларига тезкор жавоб беришни таъминлайди.

Энг катта янгилик — энди бир уйдан йиғилган тўловлар бошқа уй эҳтиёжларига сарфланмайди.

Масалан: 18-сон уйда тўпланган “квартплата” ➡️ 19-сон уйга ўтказилишига йўл қўйилмайди.

Бу жараённи Кўп квартирали уй-жой фондидан фойдаланиш соҳасини назорат қилиш инспекцияси қатъий назорат қилади.

Мулкдорлар бошқарув органи томонидан қилган хатолар ва ноқонуний ҳаракатлар юзасидан инспекцияга шаффоф тарзда мурожаат қилиши мумкин бўлади.

Кўп квартирали уйда умумий мол-мулкни сақлаш учун зарур хизматлар:

• Қорақалпоғистон Республикси Жўқорғи Кенгеси,
• Вилоятлар,
• Тошкент шаҳар халқ депутатлари кенгашлари

томонидан тасдиқланган минимал рўйхат асосида шакллантирилади.

Ушбу рўйхат мулкдорларнинг умумий йиғилишида тасдиқланиши шарт.

Бошқарув органлари:

• авария ҳолатларига тезкор жавоб берувчи,
• суткасига 24 соат ишлайдиган

авария-диспетчерлик хизматини ташкил этиши шарт.

Агар бошқарув ташкилоти техник базага ёки молиявий имкониятларга эга бўлмаса — бошқа ихтисослашган ташкилотлар жалб қилинишига рухсат берилади.

Бу аҳоли хавфсизлиги ва уйлардаги муаммоларга тезкор ечім топиш имкониятини оширади.

Бошқариш органлари мунтазам равишда мулкдорларга қуйидаги маълумотларни тақдим этади:

• коммунал хизматларнинг умумий ҳажми,
• умумий мол-мулкни сақлашга сарфланган харажатлар,
• амалга оширилган ишларнинг ҳисоботи.

Бу орқали ҳар бир мулкдор ўз уйига сарфланаётган маблағлар ҳақида аниқ ва тўлиқ маълумотга эга бўлади.

Бошқариш органлари энди кўп квартирали уйларни махсус биллинг тизими орқали бошқаради.

• ҳар бир хонадоннинг мажбурий бадаллари алоҳида юритилади;
• тўлов қилингани ҳақида СМС-орқали хабар келади.

• бошқарувчи органларга онлайн мурожаат юбориш мумкин;
• ижро жараёни мутасадди идоралар томонидан назорат қилинади.

• мулкдорлар биллинг тизими орқали умумий йиғилишга онлайн чақирилади;
• қарорлар электрон овоз бериш орқали қабул қилинади.

• бошқарув органи фаолияти аҳоли томонидан баҳоланади;
• электрон рейтингнинг 60% аҳоли фикрига асосланади.

Ҳар бир тўлов қаерга сарфланаётгани аниқ кўринади.

24/7 авария хизмати, онлайн назорат ва рейтинг тизими бошқарувчи ташкилотларнинг масъулиятини кучайтиради.

Мулкдорларнинг овози ва қарорлари марказий ўринга қўйилади.

Мулкдорлар квитанция ва ҳисоб-фактураларни электрон тарзда ололади.

Инспекцияга мурожаат қилиш имконияти мулкдорларнинг ҳуқуқларини ҳимоя қилади.

Кўп квартирали уйларни бошқариш бўйича янги қоидалар Ўзбекистонда уй-жой фондини самарали, шаффоф ва замонавий тарзда бошқаришга хизмат қилади. Мулкдорлар учун электрон хизматлар, онлайн йиғилишлар, алоҳида ҳисоблар ва 24/7 авария хизмати — уйларнинг сифати, хавфсизлиги ва бошқарув жараёнини янги босқичга олиб чиқади.

Бу янгиликлар нафақат бошқарув ташкилотлари масъулиятини оширади, балки ҳар бир мулкдорнинг ҳуқуқ ва манфаатларини мустаҳкамлайди.