Ўзбекистонда иситиш тизими ва коммунал муаммолар бўйича шикоятлар учун бот ишга туширилди

Ўзбекистонда @Kommunalmurojaat_bot Telegram-боти ишга туширилди, бу орқали аҳоли иситиш, иссиқ сув таъминоти ва бошқа коммунал хизматлардаги муаммолар ҳақида хабар бериши мумкин. Мурожаатларни вазирликнинг махсус ишчи гуруҳи кўриб чиқади, у аниқланган муаммоларни бартараф этиш чораларини кўриши лозим.

Бот орқали нафақат хонадондаги совуқлик ёки иссиқ сув таъминотидаги узилишлар ҳақида, балки кўп квартирали уйларга хизмат кўрсатишдаги носозликлар ҳақида ҳам, шу жумладан томлар, йўлаклар ва ертўлаларни таъмирлашдаги муаммолар, шунингдек, Уй-жой коммунал хўжалиги соҳасидаги бошқа масалалар ҳақида ҳам хабар бериш мумкин.

Коммунал масалалар бўйича мурожаат қилишнинг бошқа усуллари ҳам мавжуд:

• Расмий мурожаатлар портали — электрон шаклда мурожаат юбориш учун.
• 1055 — Тошкент шаҳар коммунал хўжалигининг шаҳар диспетчерлик хизмати.
• 1347 — Veolia Energy Tashkentнинг туман бошқармаларига мурожаат қилиш учун ягона қисқа рақам
• Озода Жўраеванинг Тelegram-канали — Қурилиш ва уй-жой коммунал хўжалиги вазири ўринбосарининг саҳифасида соҳага оид янгиликлар ҳамда қўшимча маълумотлар эълон қилиб борилади. Изоҳларда савол қолдириш ва долзарб муаммоларни муҳокама қилиш мумки

Контактларни сақлаб қўйинг ва яқинларингиз билан бўлишинг: қишда иситиш ёки бошқа коммунал хизматлар билан боғлиқ муаммолар юзага келса, улар фойдали бўлиши мумкин.