Ўзбекистон кўчмас мулк бозори: 2025-йил IV чорак якунлари ва 2026-йил учун янги мўлжаллар

2025-yilning IV choragi O‘zbekiston ko‘chmas mulk bozori uchun eng faol davrlardan biri bo‘ldi. Markaziy bank ma’lumotlariga ko‘ra, ushbu davrda 89,7 mingta oldi-sotdi bitimi qayd etildi — bu o‘tgan yilga nisbatan 24,5% ga ko‘p.

Yil yakunida esa bozor hajmi 319,5 mingta bitimga yetdi (+15,8%). Muhimi, o‘sish aynan yil oxiriga to‘g‘ri kelgani bozor talabining barqarorligini ko‘rsatadi.

Bozorning asosiy drayveri — ipoteka kreditlari. Ularning hajmi yil davomida 29% ga oshib, 21,2 trln so‘mni tashkil etdi. Hozirda bitimlarning 22% i kredit mablag‘lari hisobiga amalga oshirilmoqda.

Shuningdek, quyidagi omillar ham ta’sir ko‘rsatmoqda:

• aholi daromadlarining oshishi (+9,2%)

• qurilish hajmining o‘sishi (15,9 mln kv.m, +7,2%)

Natijada talab va taklif o‘rtasida muvozanat shakllanmoqda.

Avvallari asosiy faollik Toshkentga to‘g‘ri kelgan bo‘lsa, 2025-yilda hududlar ham sezilarli darajada o‘sdi.

Eng yuqori o‘sish:

• Buxoro — +25,6%

• Sirdaryo — +23,1%

• Samarqand — +19,2%

• Jizzax — +17%

Bu esa bozorda poytaxtdan tashqarida ham mustaqil talab shakllanayotganini anglatadi.

Poytaxt ichida hududlar o‘rtasidagi farq kuchaymoqda.

Qimmat hududlar:

• Mirobod

• Mirzo Ulug‘bek tumani

• Yakkasaroy

• Shayhontohur

Nisbatan arzon segmentlar:

• Bektemir

• Sergeli

• Uchtepa

Narxlar o‘rtasidagi farq 20% va undan yuqori bo‘lishi mumkin. Bu Toshkent bozorining bir nechta mikrosegmentlarga bo‘linayotganini ko‘rsatadi.

2025-yilda narxlar dollar hisobida o‘sishda davom etdi:

• birlamchi bozor: +5,7%

• ikkilamchi bozor: +7,9%

Milliy valyutada esa o‘zgarishlar deyarli sezilmaydi. Bu bozor barqarorlashayotganini bildiradi. Shuningdek, yangi qurilgan uylar narxi ikkilamchi bozordan o‘rtacha 3% ga yuqorilashdi.

Bozor tobora aniq mezonlarga asoslanmoqda. Eng muhim omillar:

• joylashuv (20%+ farq)

• uy turi (monolit va g‘ishtli uylar qimmatroq)

• ta’mir holati (+7–8%)

• maydon va qavat

Xaridorlar endi umumiy narxga emas, aniq obyektga qarab qaror qabul qilmoqda.

Ijara bozori barqaror — yil davomida o‘sish 8,3% atrofida.

Toshkentda yer narxlari esa 9,4% ga pasaydi. Bu taklifning ko‘payishi va hududlar bo‘yicha qayta taqsimlanish bilan bog‘liq.

2022–2024 yillarda bozor 36% dan ortiq o‘sdi. 2025-yilda o‘sish sekinlashdi va bu yetuk bosqichga o‘tayotganini ko‘rsatadi.

Kuzatilayotgan tendensiyalar shuni ko‘rsatadiki:

• bozor barqaror bo‘lib qoladi

• hududlar roli oshadi

• yangi qurilishlar ustunlik qiladi

• narxlar mo‘tadil o‘sadi

Shuningdek, bozor shaffofligi eskrou mexanizmlari, naqdsiz hisob-kitoblar tufayli ortadi.

O‘zbekiston ko‘chmas mulk bozori tez o‘sish bosqichidan chiqib, barqaror va bashorat qilinadigan tizimga o‘tmoqda. Endi asosiy rolni talab emas, balki sifat, joylashuv va taklif strukturasi o‘ynaydi.