Кўчмас мулкингиз “снос”га тушган ёки тушмаганини қандай текшириш мумкин

Ҳар бир мулкдор учун уй ёки ер майдонининг ҳуқуқий ҳолатини билиш жуда муҳим. Айниқса, шаҳарсозлик ва реконструкция ишлари давом этаётган ҳозирги пайтда айрим ҳудудлар бузилиш ёки қайта қуриш режасига киритилган бўлиши мумкин.

Бу маълумотни эндиликда уйдан чиқмасдан, “Шаффоф қурилиш” миллий ахборот тизими орқали билиб олиш мумкин. Қуйида сиз учун қадамма-қадам йўриқнома тайёрладик.

• my.gov.uz сайтида фойдаланувчи сифатида рўйхатдан ўтган бўлиш;
• объектнинг кадастр рақами (16 белгидан иборат рақам);
• электрон тўлов тизими орқали тўлов қилиш имконияти.

My.gov.uz порталига ва шахсий кабинет орқали тизимга киринг.

Излаш қисмига “Кўчмас мулк бузилишга тушганлиги ёки тушмаганлиги тўғрисида маълумотнома” деб ёзинг ва хизматни танланг.

“Хизматдан фойдаланиш” тугмасини босинг. Кейин “Кейингиси” орқали кейинги босқичга ўтинг. Объектингизнинг кадастр рақамини киритинг ва “Кейингиси” тугмаси орқали давом этинг.

Маълумотларингизни текшириб, “Юбориш” тугмаси орқали аризани юборинг.

Базавий ҳисоблаш миқдорининг 4,5 фоизи — яъни 18 540 сўм миқдорда тўловни амалга оширинг.

Ариза юборилгандан сўнг 3 иш куни ичида маълумотнома тайёр бўлади. Натижани “Аризалар” бўлими орқали юклаб олиш мумкин.

• Хизмат бепулми? Йўқ. Давлат божи сифатида 18 540 сўм тўланади.

• Ҳужжатлар керакми? Фақат объектнинг кадастр рақами ва my.gov.uz орқали фойдаланувчи аккаунти етарли. Фақат объектнинг кадастр рақами ва my.gov.uz орқали фойдаланувчи аккаунти етарли.

• Агар уй бузилиш режасига кирган бўлса-чи? Маҳаллий ҳокимият органига мурожаат қилинг.

• Маълумотнома қанча муддат амал қилади? Берилган санадан бошлаб 6 ой давомида амал қилади.