2025 yilda 135 ming xonadonli ko‘p qavatli uylar qurilishi kutilmoqda

Ipoteka dasturi doirasida amalga oshirilayotgan ishlar muhokama qilindi

Prezident raisligida 2024 yilda ipoteka dasturi doirasida amalga oshirilgan ishlar va 2025 yil uchun rejalar muhokamasi yuzasidan videoselektor yig‘ilishi o‘tkazildi.

Joriy yilda 120 ming xonadonli ko‘p qavatli uylar qurilishi rejalashtirilgan. Bundan tashqari, Yangi Toshkentda yana 15 ming xonadon barpo etiladi.

Yangi Toshkentdagi uylar “yashil” energiyadan foydalanish imkoniyatiga ega bo‘ladi.

Energiya barqarorligini ta’minlash maqsadida xususiy sheriklik asosida 100 megavatt-soat sig‘imli elektr saqlash quvvati o‘rnatiladi.

Yangi Toshkentdagi uylarni isitish va sovitish markazlashgan trigeneratsiya tizimi orqali amalga oshiriladi.

Barcha bino-inshootlarga yuqori energiya samaradorlik talablari joriy qilinadi.

Transport, yoritish tizimlari va zaryadlash stansiyalari faqat “yashil” talablar asosida bo‘ladi.