Xonadon elektr tizimini to‘g‘ri rejalashtirish uchun nimalarga e’tibor qaratish lozim?

Kvartirada elektr tarmoqlarini to‘g‘ri rejalashtirish – har qanday ta’mirlash jarayonining muhim bosqichi. Elektr tarmog‘ining qanchalik puxta loyihalashtirilgani xavfsizlik, qulaylik va yashash joyidan foydalanish darajasiga bevosita ta’sir qiladi. Tarmoqqa ortiqcha yuk tushishi yoki qulay joylashtirilmagan ulanish nuqtalaridan kelib chiqadigan muammolarni oldini olish uchun quyidagi muhim jihatlarni hisobga olish kerak.

Birinchi qadam – barcha ulanish nuqtalari belgilangan sxemani yaratish:

Rozetkalar – maishiy texnika, kompyuter, televizor va boshqa qurilmalar qayerda joylashishini oldindan aniqlash kerak, shunda ortiqcha uzaytirgichlardan foydalanish zarurati bo‘lmaydi..

Kalitlar – ularga oson yetib borish uchun odatda pol yuzasidan 80–90 sm balandlikda joylashtiriladi..

Yoritish – har bir xonadagi yorug‘lik manbalarini, shu jumladan devorga o‘rnatiladigan bra yoki nuqtaviy yoritgichlarni ham oldindan rejalashtirish lozim.

Maslahat: Kelajakda yangi qurilmalar uchun qo‘shimcha rozetkalar kerak bo‘lishi mumkinligini hisobga oling.

Kuchli elektr qurilmalar (konditsionerlar, kir va idish yuvish mashinalari, elektr pechlar) alohida avtomatik himoya qurilmalariga ega liniyalarga ulangan bo‘lishi lozim. Bu nafaqat xavfsizlikni oshiradi, balki tarmoq ortiqcha yuklanganda muammolar yuzaga kelishining oldini oladi.

Alohida liniyalar ajratish tavsiya etiladi:

Yoritish tizimi uchun.

Oshxona maishiy texnikasi uchun.

Isitish moslamalari va issiq pollar uchun

Arzon materiallar ishlatish kelajakda katta xarajatlarga olib kelishi mumkin. Ishonchli va xavfsiz tarmoq yaratish uchun yuklamaga mos keladigan, ikki qavat izolyatsiyali mis kabellar, sertifikatlangan rozetkalar, kalitlar va avtomatik o‘chirgichlardan foydalanish tavsiya etiladi.

Asosiy tavsiyalar:Ikki qavat izolyatsiyaga ega kabellarOrtiqcha yuklama va qisqa tutashuvdan himoyalovchi avtomatlar va UZONam xonalar (hammom, oshxona) uchun maxsus germetik rozetkalar

Hatto eng yaxshi rejalashtirilgan elektr sxemasi ham sifatli bajarilmasa, xavfsizlik talablariga javob bermasligi mumkin. Shu sababli, elektr tizimini o‘rnatish ishlarini tajribali mutaxassislarga topshirish tavsiya etiladi.

Xavfsizlik – to‘g‘ri loyihalash elektr yong‘inlari va qisqa tutashuvlarning oldini oladi..

Qulaylik – barcha zarur joylarda rozetka va yoritish nuqtalari bo‘lishi uyda qulay yashash imkonini beradi..

Kelajakni hisobga olish – yangi texnikalar va gadjetlar paydo bo‘lganda tarmoqda yetarli quvvat bo‘lishi kerak.

Elektr tizimini to‘g‘ri loyihalashtirish orqali siz uy-joyingizni yanada xavfsiz va qulay qilishingiz mumkin!