Тошкентда 1-ноябрьдан иситиш ва иссиқ сув тарифлари 30% га оширилиши мумкин

2026-йил 1-ноябьрдан бошлаб Тошкентда иситиш ва иссиқ сув тарифлари оширилиши мумкин. Бу Вазирлар Маҳкамасининг Қурилиш ва уй-жой коммунал хизмат кўрсатиш вазирлиги томонидан пойтахт иссиқлик тармоқлари оператори Veolia Energy Tashkent учун ишлаб чиқилган қарор лойиҳасида назарда тутилган

Лойиҳага кўра, марказий иситиш нархи 1 кв. м учун бир суткада 241,44 сўмдан 314 сўмгача, ҳисоблагич мавжуд бўлган тақдирда эса иссиқ сувнинг нархи 1 куб. м учун 8 928,67 сўмдан 11 607 сўмгача ошиши мумкинАҳоли учун иссиқлик энергияси тарифини ҳам 30%га ошириш таклиф қилинмоқда: 1 Гкал учун 156 643 сўмдан 203 636 сўмгача (ҚҚС ҳисобга олинган ҳолда).

Шу билан бирга, иссиқ сув учун ҳисоблагичсиз тўлайдиган аҳоли учун ойлик тўловни 52 303 сўмдан 45 330 сўмгача (бир киши учун) пасайтириш назарда тутилган. Умумий душхоналари бўлган ётоқхоналар аҳолиси учун тариф 38 908 сўмдан 33 720 сўмгача камайиши мумкин.

Пойтахтда иситиш тарифлари охирги марта 2025-йил ноябрь ойида оширилган эди. Ўшанда аҳоли учун иссиқлик энергияси нархи 1 Гкал учун 15%га, яъни 139 860 сўмгача ошган.

Ҳозирча бу қарор лойиҳаси ҳақида гап кетмоқда: кўрсатилган ўзгаришлар янги тарифларнинг якуний тасдиқланганини ҳали билдирмайди.